Գործարար համբավի պաշտպանության համար Կենտրոն եւ Նորք-Մարաշ վարչական շրջանների ընդհանուր իրավասության դատարան էր դիմել առողջապահության նախարարության թիվ 3 կլինիկական հիվանդանոցը՝ իր ներկայացուցիչ, ՀՀ փաստաբանների պալատի անդամ Մուրադ Ասրյանի միջոցով: Ըստ հայցվորի, պատասխանողը` իրավաբան Ռուբեն Այվազյանը 2012թ. մայիսի 22-ին «Վարկած» ակումբում հայտնել է, որ նշյալ բուժհիմնարկում իր հորը՝ ճարտարագետ, «Կալաշնիկով» ինքնաձիգի փամփուշտի արտադրության ավտոմատ հոսքագծի նախագծող Լեւ Այվազյանին մայիսի 12-ին պատշաճ բժշկական օգնություն ցույց չտալով՝ «առանձնապես դաժանությամբ սպանել են»:
Այսօր դատարան էր հրավիրվել լրագրող Ռուզան Մինասյանը, որպես վկա:
Նա դեռ 2012թ. մայիսի 22-ին այլ լրատվամիջոցների հետ «Aravot.am» կայքում լուսաբանել է «Վարկած» ակումբում հրավիրված մամուլի ասուլիսը: 40 րոպե դատական նիստերի դահլիճից դուրս սպասելուց հետո պարզվեց, որ դատավոր Ալեքսեյ Սուքոյանը դատական նիստը հետաձգել էր.պատասխանողն ասել էր, թե հակընդդեմ հայց ունի դատարան ներկայացնելու:
Հիշեցենք, որ հայցը, քանի դեռ Կենտրոն եւ Նորք-Մարաշի դատարանում չէր, այլ Մալաթիայի դատարանում, հետեւել էր պատասխանողի հակընդդեմ հայցը:
Կարդացեք նաև
Վերջինը, ինչպես մենք տեղեկացրել ենք դեռ մեկ տարի առաջ, պահանջել էր հատուցել «հորն առանձնապես դաժանությամբ սպանելու հետեւանքով հուղարկավորության ծախսերը»: Այն կազմել էր 2 միլիոն 500 000 դրամ: Հակընդդեմ հայցը մերժվել էր, բողոքը հասել էր ՀՀ վերաքննիչ, ապա՝ վճռաբեկ դատարաններ եւ այն վերադարձվել էր:
Թե երբ կդատակոչվի լրագրողը, հայտնի չեղավ:
Սեփ.լր.
Ձեր թերթը միակ թերթն է ՀՀ-ում, որ ակնհայտ հովանավորում է մարդասպան բժիշկներին: Իմ մոտ առկա է որոշ փորձագետների եզրակացություններ, ինչը հիմնավորում իմ պահանջը: Ոչինչ, մի օր Ձեր լրագրողին բաժին կհասնի այդ բժիշկը: Թող ատամներով պաշտպանի իրենց: Ինչն է պատճառը, որ քրեական գործի քննությունը դատական վարույթում չի լուսաբանում, այլ նշում է միայն կողմնակալ քննիչի ապօրինի որոշումը: Մինչ այդ էլ Ձեր լրագրողը հրապարակում էր նախաքննության գաղտնիք համարվող նյութեր: