Երկրաշարժից 20 տարի հետո գյումրեցի Ստելինա Բաղդասարյանը մնաց մեկ սենյականոց բնակարան ստացողների ցուցակում:
2010թ. մարտի 11-ին ՀՀ կառավարության հավաստագիրը եւ Մուշ-2 թաղամասի 6-րդ շենքի թիվ 17 բնակարանի բանալիները հանդիսավոր պայմաններում ՀՀ նախագահը հունիսի 14-ին հանձնեց Ս.Բաղդասարյանին, թաղամասի բնակիչներից մի քանիսին:
«Ոչ մեկիս մտքով չէր անցնի , որ դա մեր տունը չի լինելու հետագայում»,-ասում է հանգուցյալ Ս.Բաղդասարյանի դուստրը՝ Հասմիկ Բաղդասարյանը:
Բնակարանի բանալիները ստանալուց երկու ամիս հետո Բաղդասարյանները գնում են անշարժ գույքի կադաստրի տեղական ստորաբաժին, խնդրում սեփականաշնորհման վկայականը:
Կարդացեք նաև
Այնտեղ նրանք ստանում են հետեւյալ պատասխանը.«Ինչի՞դ է պետք այդ թղթի կտորը, գնա ապրի:Դա քեզ տաքությո՞ւն է տալու:Խո չմեռանք, դու մնացիր առանց վկայական»:
2010թ. սեպտեմբերի 17-ին ինսուլտից հանկարծամահ է լինում Ս. Բաղդասարյանը:
Իսկ նրա մահվանից 15 օր առաջ պարզվեց, որ նախագահի տված բնակարանը Հայաստանի Հանրապետության սեփականությունն է եւ որեւէ մեկը կապ չունի այդ բնակարանի հետ:
ՀՀ կառավարությունը վտարման պահանջ է ներկայացնում դատարան:
Բացահայտ ցինիզմը բնորոշ է ՀՀ կառավարությանը մեկ այլ գործով:
Աշխարհի, Եվրոպայի, 1992թ. Բարսելոնայի օլիմպիական խաղերի չեմպիոն Մնացական Իսկանդարյանի մեծարման ժամանակ էլ քաղսովետի նախկին նախագահ Կառլեն Համբարձումյանը Գյումրիի թատրոնի շենքում անկախ Հայաստանի առաջին օլիմպիական չեմպիոնին հանձնեց ավտոմեքենայի բանալի,. սակայն մինչ օրս ավտոմեքենան չեն տվել:
Չեմպիոնը հեռացել է Հայաստանից, դարձել ՌԴ երիտասարդական հավաքականի գլխավոր մարզիչ, երկար տարիներ մարզելով ռուս մարզիկներին:«Ես չեմպիոն չեմ, սակայն բնակարանիս հարցը չլուծելու դեպքում ստիպված եմ հեռանալու Հայաստանից»,-ասում է Հ.Բաղդասարյանը:
Մանրամասներն առաջիկայում:
