Անասնագողերը ստորագրել են չհեռանալու մասին
Ոստիկանության Դիլիջանի բաժնի աշխատակիցները բացահայտել են Տավուշի մարզի Հաղարծին գյուղի 2 բնակչի կողմից համագյուղացու կովի գողանալու հանցագործությունը: Դեպքից որոշ ժամանակ անց ոստիկանության Տավուշի քննչական բաժնի Դիլիջանի քննչական բաժանմունքի աշխատակիցները կարողացել են այլ մարզի տարածքում հայտնաբերել եւ կովատիրոջը վերադարձնել անասունը:
Իրավապահ աղբյուրներից տեղեկացանք, որ դեպքի կապակցությամբ քրեական գործ է հարուցվել ՀՀ քրեական օրենսգրքի 177 հոդվածի 1-ին եւ 3-րդ կետերով («Կողոպուտը, որ կատարվել է պահեստարան կամ շինություն ապօրինի մուտք գործելով»): Ձախողակ անասնագողերը չհեռանալու վերաբերյալ ստորագրությամբ բաց են թողնվել, դեպքի վերաբերյալ նախաքննությունը շարունակվում է:
Կարդացեք նաև
Ոսկան ՍԱՐԳՍՅԱՆ
