Քիչ առաջ խորհրդարանական խմբակցությունները`ՀՀԿ, ԲՀԿ, ՀԱԿ, ՀՅԴ, ՕԵԿ, «Ժառանգություն» խմբակցությունների ներկայացուցիչները ԱԺ նախագահի պաշտոնակատար Էդուարդ Շարմազանովի մոտ ավարտեցին քննարկումը`հաշվիչ հանձնաժողովի վերաբերյալ:
Հիշեցնենք, դեռ անցյալ տարվա դեկտեմբերի վերջին կայացած նիստերի ժամանակ`«գազի հարցով» խորհրդարանական քվեարկությունից հետո խորհրդարանական ոչ իշխանական խմբակցությունները բոյկոտել էին հաշվիչ հանձնաժողովում մասնակցությունը:
Այժմ, երբ ՕԵԿ-ն էլ իրեն հայտարարեց ընդդիմություն եւ հրաժարվեց մասնակցել այդ հանձնաժողովի աշխատանքներին, հաշվիչ հանձնաժողովի գործունեության առումով լուրջ խնդիր է առաջանում, մանավանդ, որ վաղն առավոտյան արդեն տեղի են ունենալու ԱԺ նախագահի եւ պետաիրավական հանձնաժողովի նախագահի ընտրություններ:
Քննարկումից հետո, լրագրողների հետ զրույցում, պատասխանելով Aravot.am-ի հարցին, «Ժառանգություն» խմբակցության ղեկավար Ռուբեն Հակոբյանն ասաց, որ քննարկման ժամանակ քառյակի ուժերը պնդել են իրենց դիրքորոշումը, որ դա իրադրային որոշում չի եղել, այլ համարժեք քայլ այդ օրերին եւ Գազի հարցով քվեարկությանը: Քառյակը չի փոխում իր դիրքորոշումը:
Թե ինչպե՞ս պետք է հանգուցալուծվի հարցը`Ռուբեն Հակոբյանն ասաց. «Իրենք պետք է որոշեն: Կանոնակարգի 24-րդ հոդվածն է, չեմ ուզում շատ մանրամասն անդրադառնալ, ամեն դեպքում, այսօր ես զգում եմ, որ իրավական կազուս կա»:
Կարդացեք նաև
ԱԺ նախագահի ժամանակավոր պաշտոնակատար Էդուարդ Շարմազանովն էլ լրագրողների հետ զրույցում ասաց, որ ընդդիմադիրներին համոզելու խնդիր չկար, պարզապես ԱԺ նախագահը պարտավոր է ապահովել խորհրդարանի բնականոն աշխատանքը. «Քննարկում ենք: Մենք կգտնենք ելքեր, որոնք չեն հակասի օրենսդրությանը եւ Սահմանադրությանը»:
Նելլի ԳՐԻԳՈՐՅԱՆ
Սաշիկին բերեք…..լավ հաշվել գիտի….