Ֆեյսբուքյան շփումներս աննկատ չմնացին:
Ծանոթացա «Մխիթար Գոշի» հետ, որն ակտիվ ընթերցում էր Aravot.am-ի Նոթատետրը, ծանոթանում քրեական-գրական աշխարհում կատարվող իրադարձություններին:
Այս անգամ նա իր «Դատաստանագրքից» ոչ մի հղում չարեց, որովհետեւ նորահայտ իրավաբանները, «քրեագետները» խեղճ Գոշին մեղադրել էին, թե նա իր դատաստանագրքով խախտում է Մարդու իրավունքների եւ հիմնարար ազատությունների մասին Եվրոպական կոնվենցիան, եւ քաղաքացիների անբասիրության կանխավարկածը:
Եվ քանի որ մեր գրական-քրեական աշխարհը հաճախ է այցելում Ամերիկա, Մեծ Բրիտանիա, Ֆրանսիա, Գոշը մի քանի նորություններ հայտնեց, որի մասին շատերս իսկապես անտեղյակ էինք:
Ամերիկայի Ֆլորիդա նահանգում արգելվել է լողազգեստով երգելն ու մերկ ցնցուղ ընդունելը: Ամերիկացիները մինչ օրենքն ընդունելը եղել էին հայրենի Սեւանում, զգացել նրա մակարդակի բարձրացումն ու իջեցումը, նաեւ տեսել, թե ինչպես է հայ ազգը լողանում կոլեկտիվ եւ՝ հագուստով :
Իսկ Արիզոնա նահանգում էլ արգելվել է «սապոնվելը»: Օճառ գողանալու համար պատժաչափն այսպիսին է. գողին լողացնում են նույն այն օճառով, մինչ այն կպրծնի:
Մեծ Բրիտանիայում, ինչպես մեր մոտ՝ ապահով Հայաստանում էլ, թույլատրվում է հասարակական վայրերում միզելը:
Կարդացեք նաև
Հղի կանայք էլ իրենց հղիությունն ապացուցելու համար կարող են միզել…ոստիկանի գլխին:
Ռուզան ՄԻՆԱՍՅԱՆ
