Հայաստանի գրողների միության Տավուշի մարզային բաժանմունքի ղեկավար Սամվել Բեգլարյանին հարցրինք, թե այսօր ժողովուրդը զգո՞ւմ է տոնի բերկրանքը: Նա ասաց. «Ցավոք, բնակչության 99 տոկոսը նորմալ չի կարող ձեւակերպել, թե այսօր ինչ տոն է, 70 տոկոսն էլ չգիտի՝ տո՞ն է, թե՞ տոն չէ»:
Նրա խոսքերով՝ եթե բնակչության շրջանում տոների վերաբերյալ հարցախույզ անեն, մարդիկ կնշեն մարտի 8-ը, ապրիլի 7-ը, սակայն քիչ դեպքերում՝ սեպտեմբերի 21-ը, մայիսի 28-ը, հուլիսի 5-ը: Սամվել Բեգլարյանն ասաց, որ ազատությունը եւ անկախությունը բացարձակ արժեքներ են, սակայն մեր ժողովուրդը դա չի ընկալում:
«Անկախությունը եւ առողջությունը մի ընդհանրություն ունեն. դրանք կորցնելուց հետո են միայն ծնկներին խփում»,-ասաց նոյեմբերյանցի գրողը:
Ոսկան ՍԱՐԳՍՅԱՆ
