ՀՀ տրանսպորտի և կապի նախարարությունը տեղեկացնում է, որ «Լոռու ՃՇՇ» ՓԲ-ի և «Ալավերդու ՃՇՇՁ» ԲԲ-ի աշխատակիցների կատարած աշխատանքների շնորհիվ հունիսի 3-ին` ժամը 23:00-ի սահմաններում, ծանրաքաշ բեռնատար մեքենաների համար միակողմանի երթևեկելի է դարձել նույնօրը՝ ժամը 19.30-ի սահմաններում, Վանաձոր-Ալավերդի-Վրաստանի սահման Մ-6 ավտոճանապարհի 30-րդ կիլոմետրում սողանքային փլուզման հետևանքով երկկողմանի փակված Վանաձոր-Ալավերդի-Վրաստանի սահման ավտոճանապարհը:
Այս պահի դրությամբ Ճանապարհի մաքրման աշխատանքները շարունակվում են:
Երկկողմանի երթևեկությունը վերականգնվելուն պես կտրվի լրացուցիչ տեղեկատվություն:
ՀՀ տրանսպորտի և կապի նախարարության լրատվական ծառայություն