«Ամերիկայի ձայն». Ռուսաստանի նախագահ Վլադիմիր Պուտինը կարգադրել է «ամբողջական մարտական պատրաստվածության» բերել Ռուսաստանի կենտրոնում տեղակայված ռազմական ստորաբաժանումները՝ արտապլանային զորավարժություններ անցկացնելու նպատակով:
Ռուսաստանի պաշտոնյաների համաձայն, նոր զորավարժություններին կմասնակցի ավելի քան 65 հազար զինծառայող:
ՆԱՏՕ-ն ավելի վաղ տեղեկացրել էր, որ Ռուսաստանը վերսկսել է զինված ուժերի ստորաբաժանումների ավելացումն Ուկրաինայի հետ սահմանների մոտակայքում:
Ուկրաինայի նախագահ Պետրո Պորոշենկոն կարգադրել է երկրի զինված ուժերին և անվտանգության ծառայություններին յոթ օրով դադարեցնել կրակը:
Կարդացեք նաև
Այս կարգադրությամբ նախագահ Պորոշենկոն հանդես է եկել՝ Ուկրաինայի արևելքում անցկացվող հակաահաբեկչական գործողությունների շտաբ կատարված այցելության ժամանակ:
Ուկրաինայի նախագահը սակայն նշել է, որ իր հրամանը չի նշանակում, որ Ուկրաինայի անվտանգության ուժերը պատասխան կրակ չեն բացի՝ իրենց ուղղությամբ հարձակում կատարելու դեպքում:
Կրեմլի խոսնակ Դմիտրի Պեսկովը նախօրեին ասել էր, թե Ուկրաինայի հետ սահմանամերձ շրջաններում Ռուսաստանի ուժերի ուղարկումը վաղօրոք ծրագրավորված գործողություն է, որն իրականացվում է՝ Ռուսաստանի սահմանային անվտանգության ամրապնդման նպատակով:
ՆԱՏՕ-ի բարձրաստիճան ներկայացուցիչներից մեկը «Ամերիկայի Ձայն»-ին իր անունը չհրապարակելու պայմանով տեղեկացրել էր սակայն, որ Ռուսաստանի կողմից Ուկրաինայի հետ սահմանամերձ շրջաններ ուղարկված զորքերը ներառված չեն սահմանի վերահսկողության գործողություններում:
Արմեն ՀՈՎՀԱՆՆԻՍՅԱՆ
Հրապարակումն ամբողջությամբ՝ սկզբնաղբյուր կայքից:
