Իմ շատ սիրելի առավոտցիներ: Շնորհավորում եմ ձեզ 20-ամյա հոբելյանի կապակցությամբ, մաղթում անխափան գործունեություն, հետաքրքիր նյութեր, գրագետ ընթերցողներ, հավատարիմ գործընկերներ: Որպես ՀՀ սպորտի եւ երիտասարդության հարցերի նախարար, ցանկանում եմ առանձնացնել հատկապես «Առավոտի» մարզական էջը: Այն աչքի է ընկնում ակտիվ ու անաչառ լրատվությամբ, որի համար այն վարող Աշոտ Հակոբյանին կոչում ենք «մեր Աշոտը»: «Առավոտին» ու առավոտցիներին ցանկանում եմ մասնագիտական նոր վերելքներ, աշխատանքային հաջողություններ, անձնական երջանկություն: Հուսով եմ՝ հետագայում եւս մեր համագործակցությունը լինելու է ի նպաստ մարզական իրադարձությունների ակտիվ լուսաբանման, սպորտի մասսայականացման եւ առողջ ապրելակերպի գաղափարների տարածման: Մաղթում եմ բոլորիս՝ առավոտը սկսել «Առավոտով»:
Գաբրիել Ղազարյան
ՀՀ սպորտի եւ երիտասարդության հարցերի նախարար
«Առավոտ» օրաթերթ
26.07.2014
