Տրոմսյոյում ընթացող շախմատի 41-րդ համաշխարհային օլիմպիադան հատեց միջնագիծը: Հինգերորդ տուրում հանդիպեցին Հայաստանի եւ Նորվեգիայի տղամարդկանց ազգային հավաքականները, որոնք գլխավորում էին ՖԻԴԵ-ի վարկանիշային դասակարգման ցուցակի 2-րդ համար Լեւոն Արոնյանը եւ առաջատարը՝ աշխարհի չեմպիոն Մագնուս Կարլսենը:
Համաշխարհային շախմատի երկու առաջատարները գործում էին հուսալի՝ խաղատախտակի վրա պահպանելով հավասար դիրքեր: Արդյունքում Լեւոնն ու Մագնուսը բաժանեցին միավորը: Ոչ-ոքի խաղացին նաեւ Սերգեյ Մովսիսյանն ու Վլադիմիր Հակոբյանը, իսկ մեր ընտրանուն թիմային հաղթանակ պարգեւեց Գաբրիել Սարգսյանը, որը երկարատեւ վերջնախաղում, ի վերջո, Սիմեն Ագդեստեյնին ստիպեց ընդունել պարտությունը:
Աշոտ ՀԱԿՈԲՅԱՆ
Լուսանկարը՝ Գագիկ Հովհաննիսյանի, Armchess.am-ի
