Ուկրաինայի նախագահ Պետրո Պոռոշենկոն հաջորդ շաբաթ Գերագույն Ռադայի լուծարման և խորհրդարանական արտահերթ ընտրություններ անցկացնելու մասին հրամանագիր կստորագրի, «Ազատություն» ռադիոկայանին հայտնել է նախագահի խորհրդական Օլեգ Մեդվեդևը:
Մեդվեդևը նշել է, որ օրերս կլրանա նոր կոալիցիայի ձևավորման 30-օրյա ժամկետը, և Ուկրաինայի նախագահը խորհրդարանը լուծարելու համար օրինական հիմքեր ունի:
Խորհրդականը նաև հայտնել է, որ սեպտեմբերին կհայտարարվի քաղաքական, տնտեսական և սոցիալական բարեփոխումների խոշոր փաթեթի մասին, ինչպես նաև կվավերացվի Եվրամիության հետ Ուկրաինայի ասոցացման պայմանագիրը, որը ստորագրվել է այս տարվա հունիսին:
Պատրաստեց Հովհաննես ԻՇԽԱՆՅԱՆԸ
