Ամենայն հավանականությամբ, ԱԺ Էթիկայի հանձնաժողովն առաջիկայում կգլխավորի ՀՀԿ-ական պատգամավոր Արփինե Հովhաննիսյանը:
Aravot.am-ի հետ զրույցում հանձնաժողովի գործող նախագահ, ԱԺ պետաիրավական հարցերի մշտական հանձնաժողովի նախագահ Հովհաննես Սահակյանը հաստատեց, որ պատրաստվում է հրաժարվել Էթիկայի հանձնաժողովի նախագահի պաշտոնից, քանի որ պետաիրավական հարցերի հանձնաժողովում աշխատանքը բավական ծանրաբեռնված է:
Հովհաննես Սահակյանը նաեւ տեղեկացրեց, որ հարցը քննարկել է նաեւ ԱԺ նախագահի հետ: Առաջիկայում ՀՀԿ խմբակցությունը կքննարկի Էթիկայի հանձնաժողովի նախագահի պաշտոնում թեկնածություն առաջադրելու հարցը:
Նելլի ԳՐԻԳՈՐՅԱՆ
