Եվրամիության ընդլայնման հարցերով հանձնակատար Շտեֆան Ֆյուլեն հայտնել է, որ ժամանակն է ԵՄ-ի և Եվրասիական տնտեսական միության միջև պաշտոնական կապեր հաստատել և Մաքսային միության հետ ազատ առևտրի գոտի ստեղծելու շուրջ բանակցություններ սկսել, փոխանցում է «ՈւՆԻԱՆ»-ը:
«Մեզ Ռուսաստանի հետ հետևողական քաղաքականություն է անհրաժեշտ… Ժամանակն է, որ չթաքնվենք այնպիսի կարգախոսների տակ, ինչպիսիք են՝ «Լիսաբոնից մինչև Վլադիվաստոկ ազատ առևտրի գոտի»: Հարկավոր է որոշակի բովանդակություն տալ դրան, բովանդակություն, որը առևտրային, տնտեսական համագործակցությունից ավելի առաջ կգնա: Եվ կվերականգնի անվտանգության կառույցի նկատմամբ վստահությունը: Իմ կարծիքով, ժամանակն է բարձրացնել խաղադրույքներն այս «խաղում»: Ժամանակն է բարձր մակարդակով պաշտոնական կապեր ստեղծել Եվրամիության, Եվրասիական միության և Մաքսային միության միջև», – ասել է Ֆյուլեն Կիևում՝ Եվրոպական ռազմավարության Յալթայի խորհրդաժողովում:
«Ինձ թվում է, ժամանակն է բանակցություններ սկսել ՄՄ և ԵՄ միջև ազատ առևտրի գոտի ստեղծելու շուրջ: Ժամանակն է, որ ԵՄ ղեկավարները ոչ միայն մասունքներ ներկայացնեն, ինչպես այդ անում էինք երեկ Բրյուսելում, այլ թող ամբողջական պատկերը լինի», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
Наконец то!!!! Молодец, г. Фьюле! Всегда уважал этого политика!