« Սպանությունը կոծկելը քրեական պատասխանատվություն ենթադրող արարք է։ Երեւի թե արժե իրավական էդ պատիժը մեդիայի վրա էլ տարածել՝ հատուկ համառուսաստանյան հեռուստաալիքների համար »
Լռության դավադրությամբ արձագանքեցին ՌԴ TV-ները Գյումրիում կատարված սպանություններին։
Առաջին օրը՝ հունվարի 12-ին համառուսաստանյան երեք գլխավոր ալիքներից («Россия», «Առաջին ալիք», «НТВ») ոչ մեկը չանդրադարձավ սպանդին, որի համար կասկածվում էր ռուսական 102-րդ բազայի զինվոր Վալերի Պերմյակովը։
«Առաջին ալիք»-ն իր երկերեսանիության մեջ էնքան հեռու գնաց, որ նույն օրվա նորությունների գլխավոր թողարկման մեջ մեղադրեց Եվրոպային «Շառլի էբդոյի» սպանությունները լայնորեն լուսաբանելու, իսկ Դոնեցկում ծանր վիրավորված երեխային մոռացության մատնելու համար: Սակայն Ոչ մի բառ չասաց«ռազմավարական դաշնակից» Հայաստանն ալեկոծած ողբերգության մասին (մինչեւ հիմա)։
Կարդացեք նաև
Հաջորդ օրը՝ հունվարի 13-ին, լռությունը խզեց «НТВ»-ն, որի ցինիզմը գերազանցեց «Առաջին ալիք»-ին։ Ալիքի նորությունների թողարկումներից մեկը հաղորդեց, որ Գյումրիում տեղակայված ռուսական բազայից զինվոր է փախչել, որին գտել եւ հանձնել են հրամանատարությանը։
Այսինքն՝ «НТВ»-ին հուզող խնդիրը դասալիքի հանդեպ ռուսական իշխանությունների վերահսկողության ապահովումն էր։ Կարող է անհավատալի թվալ, բայց իր եթերը զանազան քրեական սերիալների ու պատմությունների միջոցով արյան բաղնիքի վերածած հեռուստաընկերությունը ծպտուն չհանեց սպանությունների մասին։ Ընդհանրապես:
Նյութի մանրամասները կարդացեք media.am-ի կայքում
