Գյումրիի ոճրագործը մենա՞կ է եղել հարցին, ՀՀ ոստիկանապետ Վլադիմիր Գասպարյանն ասաց. «Քննությունը պետք է պատասխանի, այդ ամենը երևակայություն է, ինչո՞ւ է կոշիկը այնտեղ մնացել, ինչո՞ւ է թողել այն մեկը, ինչո՞ւ է եկել, հասել, հազարավոր հարցեր կան, եթե մենք այդ հարցերի մեջ խճճվենք, դա ոչ ձեզ, ոչ էլ ինձ է ինչ- որ բան ասելու»:
Ինչ վերաբերում է, թե ինչու հայ իրավապահները չվնասազերծեցին ոճրագործին, ոստիկանապետն ասաց. «Ո՞վ բռնեց, գյուղացի՞ն, քաղաքացի՞ն, դերասա՞նը ինչպես սիրում էք ասել, բոլոր նման դեպքերում ասում են, խնդիրը դրվում է այսպես վերցնել և ստեղծել այնպիսի իրավիճակ, որպեսզի հանցագործը չկարողանա դուրս գալ տվյալ տարածքից, որպեսզի սպասի, քողարկվի սպասի ինչ- որ ժամի, որպեսզի կարողանա ինչ-որ գործողություններ անել:
Իհարկե մեր համար հասկանալի և ընկալելի էր, և ստեղծել էին այնպիսի իրավիճակ, որոշակի կանխատեսումներ ունեինք տասնյակ տարբերակներից, որ պետք է գնա: Անկեղծ ասեմ, երկու ժամ առաջ ինքն ինֆորմացիա ստացել է 35 հոգանոց խումբը գնացել էր… Ինչքան էլ մենք զգուշացնում էինք, այսօր կարող եմ թույլ տալ ինձ նման բան ասել, որ հանգիստ եղեք, զենք չկա, որ խուճապը դադարեցվի, բայց խուճապը խանգարում էր մեր աշխատանքին: Չնայած մենք զորամասերը ստուգել էինք, և համոզվել էինք, որ պակաս զենք չկա, Աստված գիտեր, թե սատանան ինչ է մտածում»:
Ռուզան ՄԻՆԱՍՅԱՆ
Վովա Գասպարյանի ոչ պրոֆեսիոնալ մեկնաբանությունները ուղղակի հաստատում են, որ այս մարդը իրա տեղում չէ
// եթե մենք այդ հարցերի մեջ խճճվենք, դա ոչ ձեզ, ոչ էլ ինձ է ինչ- որ բան ասելու//
Այսինքն ուղեղներս ինչի բեռի տակ դնենք? Չխոսեր ավելի լավ չէր?
Ամբողջական հոդվածը կարող եք կարդալ այս հասցեով՝ https://www.aravot.am/2015/01/17/533180/
© 1998 – 2015 Առավոտ – Լուրեր Հայաստանից