Ռուսաստանի «Դրուգայա Ռոսիա» կուսակցության առաջնորդ, հայտնի գրող Էդուարդ Լիմոնովը կոչ է արել ռուսական ռազմակայանի տարածքում գնդակահարել Գյումրիում ընտանիքի սպանության մեջ մեղադրվող Վալերի Պերմյակովին, փոխանցում է «Ռոսբալտ»-ը:
«Պետք է Շտապ փրկել Ռուսաստանի պատիվը, Պերմյակովին գնդակահարել հենց ռազմակայանի տարածքում: Հայկական ընտանիքին գնդակահարած զինվոր Պերմյակովի պատմությունը պետք է լուծվի հնարավորինս շուտ, որովհետև այդ արյունոտ սպանդը ամեն րոպե վնաս է հասցնում Ռուսաստանի ազգային շահերին: Ոչ մի արդարացում չկա և չի կարող լինել», – գրել է Լիմոնովը «Լայվ ջուրնալ»-ի բլոգում:
Օրենքը չխախտելու համար, այն է՝ որ իրենք պետք է դատեն իրենց քաղաքացիներին, Լիմոնովը լուծման իր տարբերակն է առաջարկել.
«Անհապաղ Հայաստան պետք է մեկնի ՌԴ Գերագույն դատարանի ռազմական կոլեգիան, և հենց այնտեղ, ռազմակայանի տարածքում դատի Պերմյակովին: Քանի որ հայ ժողովուրդը առավելագույն պատիժ է պահանջում, իսկ ռուս ժողովուրդը մանկասպանի համար չի կարող պաշտպանության խոսքեր գտնել, ապա նրան պետք է առավելագույն պատժի դատապարտել», – գրել է նա՝ ավելացնելով՝ քանի որ հանցագործությունը կատարվել է այլ պետության տարածքում, ապա կարելի է հաղթահարել Ռուսաստանում մահապատժի վրա սահմանված մորատորիումը ու Հայաստանի հասարակության և կառավարության անդամների ներկայությամբ իրագործել դատավճիռը ռազմակայանի տարածքում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
Լուսանկարը` politikus.ru-ից
