Փետրվարի 1-ին, ժամը 16.05-ին, ոստիկանության Երևան քաղաքի վարչության օպերատիվ կառավարման կենտրոնից Շենգավիթի բաժնում հաղորդում է ստացվել, որ իրենց է զանգահարել 1984 թ. ծնված Լիանա Վ.-ն և հայտնել, որ ժամը 16.00-ին Երևանի Մայիսի 9-ի փողոցի թիվ 10 շենքի մոտ անհայտ անձը իր ձեռքից բացահայտ հափշտակել է դրամապանակը, որի մեջ եղել է 23.000 դրամ և 300 դոլար:
Ոստիկանության Շենգավիթի բաժնի ծառայողները հիշյալ կողոպուտը կատարելու կասկածանքով բերման են ենթարկել 1991 թ. ծնված Արթուր Զ.-ին:
Արթուր Զ.-ն ձերբակալված է:
Կատարվում է քննություն:
ՀՀ ոստիկանություն
