ՀԱԿ առաջնորդի կողմից պիտակավորված մյուս «մարգինալը»՝ «Ժողովրդավարական հայրենիք» կուսակցության ղեկավար Պետրոս Մակեյանը, ընդդիմության թափուր տեղը լրացնելու, առաջիկայում զանգվածային միջոցառումների ձեռնամուխ լինելու հարցին հակադարձեց հետեւյալ հարցադրումով. «Անցած տարվա մարտի 1-ից հետո, բացի Գագիկ Ծառուկյանի հետ հրավիրած հանրահավաքներից, ՀԱԿ-ը քանի՞ անգամ է հանրահավաք արել, ոչ մի, չէ՞, հիմա իրենք որ բլեֆի համար էդ օրերը վերցրել են, դա ի՞նչ է տալիս։ Հանրահավաքները պետք է նպատակային լինեն, ունենան քաղաքական օրակարգ, ոչ թե ընդդիմության դեմ պայքարելու համար լինեն։ Ես միշտ ասել եմ՝ ոչ իշխանական եռյակը պետք է ընդդիմադիր դաշտից դուրս մղվի»։
Փաստորեն՝ Ձեր ցանկությունը կատարվեց, ժամանակավորապես հայտարարեցին դուրս մղվելու մասին, ինչո՞վ են լցնելու այդ ժամանակահատվածը։ «Իմ կարծիքով, իրոք հասարակության շրջանում մեծ պահանջարկ կա վարչախմբից ազատվելու, բայց պետք է քաղաքական ճիշտ հաշվարկներ արվեն, որ վճռական պահին չփախչեն, թե չէ իրենց դեպքում վճռական պահին մի հատ փխկ արեցին, իրենք փախան: Դրա համար պետք է բոլոր հաշվարկները կատարվի, նոր հրապարակ դուրս բերվի ժողովրդին, հակառակ դեպքում բերես, որ ի՞նչ անես»։
Մակեյանը, ի տարբերություն Սեֆիլյանի, ով իշխանություններից դժգոհ քաղաքացիներին ապրիլի 24-ին է փողոց հրավիրում, կողմ չէ այդ օրը ներքաղաքական միջոցառումներ անցկացնելուն։
Գայանե ՍԱՐԻԲԵԿՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում