ՖԻԴԵ-ն հաստատել է ապրիլի 18-ից 29-ը Չինաստանի Չենդու քաղաքում կայանալիք շախմատի կանանց աշխարհի թիմային առաջնության մասնակից երկրների ցուցակը: Աշխարհի լավագույն ընտրանու կոչումը վիճարկելու են 10 ուժեղագույն ազգային հավաքականներ` Հայաստանը, Ուկրաինան, Ռուսաստանը, Չինաստանը, Վրաստանը, Ղազախստանը, Լեհաստանը, ԱՄՆ-ը, Եգիպտոսը, Հնդկաստանը:
Հայաստանի առաջատար շախմատիստուհի Էլինա Դանիելյանն Aravot.am-ին հայտնեց, թե ովքեր են ընդգրկվել թիմ: Նրանք են. Էլինա Դանիելյան, Լիլիթ Մկրտչյան, Մարիա Կուրսովա, Լիլիթ Գալոյան եւ Հայաստանի այս տարվա չեմպիոն Սուսաննա Գաբոյան:
Աշոտ ՀԱԿՈԲՅԱՆ
Լուսանկարը` Էլինա Դանիելյանի ֆեյսբուքյան էջից
