Նույնիսկ այն դեպքում, երբ Ուկրաինայի իրադարձությունները այսքան բուռն են զարգանում, ավելի մեղմ, բայց մտահոգիչ մի իրավիճակ նախկին ԽՍՀՄ այլ երկրներում սպառնում է վնասել Արեւմուտքի ծրագրերին այնտեղ եւ Միջին Արեւելքում: Չնայած տարածված կարծիքին, որ Հայաստանը ԱՄՆ-ի ամուր գործընկեր է, նա ռազմավարական առումով մերձեցել է Իրանի հետ, հետեւաբար՝ նաեւ Ռուսաստանի, որն էլ իր հերթին օգնում է ԱՄՆ-ի հակառակորդներին շրջանցել Իրանի եւ Ռուսաստանի դեմ կիրառված պատժամիջոցները:
ԱՄՆ կոնգրեսի նախկին անդամ Դան Բուրտոնը «Dailycaller»-ում հրապարակած իր հոդվածում գրել է, որ որպես իրական ռեալպոլիտիկ, դժվար չէ հասկանալ Երեւանի խաղը: «Հայաստանը փորձում է հակահարված տալ Քլինթոնի եւ Բուշ երկրորդի ջանքերին, որոնք Իրանի դեմ պատժամիջոցները ուզում էին օգտագործել եւ խողովակաշարերի ճանապարհները փոխել, որոնք կարող էին հարստացնել Իրանին: Անհանգստացնող հանգամանքը ԱՄՆ-ի հաստատած ուղին է, որն անցնում է Ադրբեջանով եւ Թուրքիայով»:
Ըստ հեղինակի՝ Ադրբեջանի եւ Թուրքիայի հետ ունեցած վատ հարաբերությունների արդյունքում է, որ Հայաստանը որոշել է Իրանի հետ իր տնտեսական հարաբերությունները մեծացնել: Ոչ ոքի համար գաղտնիք չէ, որ Հայաստանը Իրանի ամենամեծ գազ գնողն է, այն բանից հետո, երբ 2009 թվականի մայիսին Իրանը եւ Հայաստանը գործարկեցին տրանս-ազգային գազի խողովակաշարը, որը կառուցվել է աշխարհի ամենամեծ գազի մատակարար ռուսական «Գազպրոմի» կողմից:
Դան Բուրտոնը, որպես Իրանի եւ Հայաստանի մերձեցման այլ հանգամանքներ է բերում «Հայաստանի հարավային երկաթուղու» կառուցումը, 2014 թվականի մայիսին Հայաստանի եւ Իրանի միջեւ բիզնես նպատակներով ավիաչվերթների քանակը 3-ից 50 դարձնելը, հայկական բանկերի միջոցով իրանական գործարքների իրականացումը եւ Թուրքիայի ու Ադրբեջանի հետ փակ սահմանները: Այս մերձեցման գործում մեծ դեր ունի ՌԴ նախագահ Վլադիմիր Պուտինը, որը ստեղծել է Եվրասիական տնտեսական միությունը, որն Իրանը համարում է լավ համագործակցության հարթակ Հայաստանի եւ Ռուսաստանի հետ:
Կարդացեք նաև
Վերջում հեղինակը գրում է. «Երեւի Երեւանի մեր գործընկերոջը պետք է հիշեցնել այն գնի մասին, որը փոքր երկրները կվճարեն, եթե օգնեն ԱՄՆ-ի պատժամիջոցների տակ գտնվող երկրներին:
Պատրաստեց Աշոտ ԻՍՐԱԵԼՅԱՆԸ
«Հայաստանի Ամերիկայի՞, թէ Իրանի գործընկերն է»
……………………………………………………………………………….
Անշո՛ւշտ թէ Իրանի:
Ինչ որ ցաւալի է (յատկապէս անոնց համար որոնք չեն մոռացել Վարդանանց Պատերազմը…) :
Սակայն Հայաստանի ընտրութեամբ չէ որ այսպէս է կացութիւնը: Ամերիկան ինք է որ որոշել թէ Թուրքիան իր էական դաշնակիցն է: