Արշակունյաց պողոտան ամենածանրաբեռնվածներից մեկն է Երեւանում: Սակայն «Երեւան ՄՈԼ»-ի, իսկ վերջերս` «Քարֆուր» հիպերմարկետի բացումից հետո խցանումներն ավելի են շատացել՝ հատկապես աշխատանքից հետո, երեկոյան ժամերին: Մարդկանց մի ստվար խումբ գալիս է պարզապես զբոսնելու: Բայց ամենավատն այն է, որ մեքենայատերերը ալարում են տրանսպորտային միջոցը տանել հատուկ կառուցված ստորգետնյա կայանատեղի` մեքենան կանգնեցնելով փողոցի բանուկ հատվածի երկրորդ եւ երրորդ շարքում: Եվ ավելի վատ է, որ այդ ժամերին տարածքում պետավտոտեսչության աշխատակիցներ չեն երեւում:
Լուսանկարը՝ ԱՇՈՏ ՀԱԿՈԲՅԱՆԻ
«Առավոտ» օրաթերթ
18.03.2015
