Իջեւան քաղաքի կենտրոնում, Աշոտ Մելիքբեկյան փողոցում է գտնվում ոստիկանության Տավուշի մարզային վարչության շենքը: Շենքի առաջ դեկորատիվ գեղեցիկ թփեր կան, իսկ շենքի հետեւում աղբավայր է: Այնտեղ եւ շենքի կողքին նաեւ անասունների արտաթորանք կա:
Տավուշի մարզպետ Հովիկ Աբովյանի կարգադրությամբ ապրիլի 1-ից մայիսի 1-ը Տավուշի մարզի տարածքում հայտարարվել է սանմաքրման, կանաչապատման եւ բարեկարգման միամսյակ,իսկ ապրիլի 18-ին կանցկացվի համամարզային շաբաթօրյակ: Գուցե այդ ժամանակ ոստիկանության Տավուշի մարզային վարչության շենքի հետնամասի աղբավայրը մաքրվի:
Ոսկան ՍԱՐԳՍՅԱՆ
Անհասկանալի է, ինչ կապ ունեն Տավուշի մարզպետարանն ու Ոստիկանության Տավուշի մարզային վարչությունը, առկա աղբավայրի հետ? Ի վերջո, ինչու հստակ չի նշվում, որ առկա վիճակի համար պատասխանատու են միմիայն Իջևանի քաղաքապետարանն ու հարակից շենքերի բնակիչները: Իմ կարծիքով սա ընդամենը ոստիկանությանը վարկաբեկելու էժանագին փորձ է, ինչ-որ մեկի պատվերով, որն իհարկե լրագրողին պատիվ չի բերում:
հարգելի Գարեգին,քիչ է՝ անանուն ես հանդես գալիս, դեռ մի բան էլ լրագրողիս մեղադրում ես պատվեր կատարելու մեջ: Ես միայն փաստ եմ նշել՝ լուսանկարներով, որեւէ մեկին որեւէ մեղադրանք չի ներկայացված: Եթե ուզենայի ոստիկանությանը քննադատել, կգրեի Իջեւանում ջարդված բազմաթիվ ծառերի, գիշերային լուսավորության լամպերի,հատված ընկուզենիների մասին, որոնց հեղինակներին ոստիկանությունն այդպես էլ չի բացահայտել: