Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավոր Արմեն Խաչատրյանը հրապարակեց ցմահ ազատազրկման դատապարտված, նախկին հետախույզ Սողոմոն Քոչարյանի եւ զինծառայող Արթուր Մկրտչյանի բողքների հիման վրա կայացրած դատավճիռը, որոնք ներկայացրել էր փաստաբան Ռոբերտ Ռեւազյանը:
Վերջինն aravot.am-ին ասաց, որ միանշանակ բողոքարկելու է դատարանի որոշումը: Դատարանը մերժել էր ազատազրկվածների բողոքները:
Հիշեցնենք, որ նոր երեւան եկած հանգամանքների հիմքով փաստաբանը պահանջել էր վերանայել սույն քրեական գործերը: Մասնավորապես, Սողոմոն Քոչարյանի գործով հանրապետության գլխավոր դատախազի նախկին տեղակալ Ժիրայր Խառատյանն ասել էր, թե եղել է երրորդ պետության պահանջը: Խոսքը Իրանի Իսլամական հանրապետության պահանջի մասին էր, հանուն հայ-իրանական դարավոր բարեկամության: Սողոմոնը մեղադրվել է Իրանի քաղաքացու անձնագրով, բայց իրականում ազերիի սպանության համար:
Իսկ զինծառայող Արթուր Մկրտչյանի գործով էլ ԱԺ պատգամավոր, նախկին զինդատախազ Գագիկ Ջհանգիրյանը «Հետքի» լրագրողի հետ հարցազրույցում ասել էր, թե նա չի հավատում, թե հինգ հոգուն է սպանել Արթուրը, դիրքերում եղել են այլ անձինք էլ:
Կարդացեք նաև
Ռուզան ՄԻՆԱՍՅԱՆ
