«Ի՞նչ գնահատական պիտի տանք, սա քաղաքական հետապնդում է, սրան ուրիշ գնահատական տալ հնարավոր չէ»,-Aravot.am-ի հարցին`ի՞նչ գնահատական կտա այսօր առավոտվանից Հիմնադիր խորհրդարանի անդամների ձերբակալություններին ու խուզարկությունների, այսպիսի կարծիք հայտնեց Հիմնադիր խորհրդարանի անդամ Վարդան Հակոբյանը:
Հետաքրքրվեցինք`բացի ազատամարտիկ Պավել Մանուկյանի ձերբակալությունից, նոր ձերբակալվածներ կա՞ն, պարոն Հակոբյանը պատասխանեց. «Ձերբակալված են Վարուժան Ավետիսյանը, Ժիրայր Սեֆիլյանը, Թորոս Սեֆիլյանը և Պավլիկ Մանուկյանը, բոլոր տեղերում էլ խուզարկություններ են ընթանում»: Խուզարկությունների և ձերբակալությունների հիմքերի մասին Վարդան Հակոբյանը դեռ չմանրամասնեց:
Հիշեցնենք, որ Այսօր՝ ապրիլի 7-ին, առավոտյան ժամը 6:35-ի սահմաններում Հիմնադիր խորհրդարանի շենք (Ալեք Մանուկյան 5/5, Ռադիոտան հարևանությամբ) են ներկայացել իրավապահ մարմինների շուրջ երկու տասնյակ աշխատակիցներ՝ ներկայանալով որպես Ազգային անվտանգության, Հատուկ քննչական կոմիտեի և ոստիկանության աշխատակիցներ՝ Հատուկ քննչական կոմիտեի ավագ քննիչ Ռոման Սարդարյանի գլխավորությամբ: Նրանք ներկայացրել են Հիմնադիր խորհրդարանի շենքում խուզարկություն իրականացնելու պահանջ:
Տաթև ՀԱՐՈՒԹՅՈՒՆՅԱՆ
