Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը ստիպված էր հերթական անգամ հետաձգել Հայկ Կյուրեղյանի գործով դատական նիստը: Հանրային պաշտպան Անժելա Հոբոսյանը, ինչպես նաեւ Հ. Սարգսյանը դատարան չէին ներկայացել: Եթե դատախազի մասին որեւէ տեղեկություն չկար, ապա Անժելա Հոբոսյանը տեղեկացրել էր դատարանին, որ փաստաբանների պալատի նախագահի հրամանով ինքը գտնվում է արձակուրդում եւ այն կավարտվի մայիսի 4-ին:
Դատարան էին ներկայացել ոստիկանության 5 աշխատակիցներ, որոնք այս գործով տուժող են:
Հայկ Կյուրեղյանը նիստերի դահլիճ չբերվեց, քանի որ ինչպես տեղեկացրել ենք, նրա նկատմամբ սանկցիա է կիրառվել եւ նա 10 ժամով հեռացվել է նիստերի դահլիճից:
Առհասարակ, նիստերի դահլիճում բացի իրենց պրակտիկան անցկացող ուսանողներից, որեւէ լրատվամիջոց եւ նրա մերձավորներից որեւէ մեկը չկար: Կյուրեղյանը մեղադրվում է այդ նույն դատարանի շենքի դիմաց ոչ մարտական ատրճանակով Շանթ Հարությունյանի եւ նրա ընկերների գործով բողոքի ակցիայի ժամանակ կատարած հանրային վտանգավորություն ներկայացնող գործողությունների համար: (Նա կանգնել էր ավտոմեքենայի վրա, ռետինե փամփուշտներով կրակել):
Կարդացեք նաև
Դատական հաջորդ նիստը նշանակվեց մայիսի 12-ին:
Ռուզան ՄԻՆԱՍՅԱՆ
