ԼՂՀ խորհրդարանական ընտրությունների հաջորդ օրը` մայիսի 4-ին Հայաստանի պատգամավորների պատվիրակությունը հանդիպեց լրագրողների հետ:
Պատվիրակության անդամ Թեւան Պողոսյանը նկատեց, որ հայկական իրականության մեջ նախագահական ընտրություններն ավելի մեծ հետաքրքրություն են առաջացրել, քան խորհրդարանական ընտրությունները. «Մենք երեկ տեսանք, որ այդ վիճակը փոխվել է: Միայն մասնակցության իմաստով` 70 տոկոս բնակչության մասնակցությունը ավելի բարձր է, քան երբեւէ որեւէ նախագահական ընտրությունները Հայաստանում: Դա նշանակում է, որ իսկապես արցախցին սկսում է գնահատել իր կյանքում Ազգային ժողովի դերակատարությունը»:
Նա հավելեց, որ Արցախը ունենալու է նոր որակի Ազգային ժողով. «Այն լինելու է մշտական: Այստեղ շատ կարեւոր է լինելու, որ այն քվեն, որ արցախցիները տվել են կուսակցություններին եւ պատգամավորներին, կարողանան վերածել այն հավատին եւ հույսին, որով արցախցին քվեարկել է: Նոր Ազգային ժողովն ունենալու է յուրահատուկ դերակատարում եւ նոր փորձ»:
Ամի ՉԻՉԱԿՅԱՆ
