Մեծանուն Գոհար Գասպարյանը դեռեւս 1980-ականների վերջերին մի առիթով Արաքս Մանսուրյանին ասել էր, թե բացառության կարգով նրան կարելի է շնորհել միանգամից ժողովրդականի կոչում: Անցել է ավելի քան 25 տարի, սակայն այդ ընթացքում Սիդնեյի օպերային թատրոնի մեներգչուհի, ապա վոկալիստներ կրթող բարձրակարգ մանկավարժ Արաքս Մանսուրյանը չի ստացել նույնիսկ ՀՀ վաստակավոր արտիստի կոչում…
Պարգեւատրվել է ՀՀ սփյուռքի նախարարության կողմից Կոմիտասի հուշամեդալով միայն:
1993թ. Լիոնի օպերային թատրոնի տնօրեն Բրոսմանի նախաձեռնությամբ թողարկվել է Արաքս Մանսուրյանի միակ՝ կոմիտասյան CD-ն: Շուրջ 20 տարի Ավստրալիայում բնակվող եւ ստեղծագործող երգչուհին տարիներ շարունակ կրթում է այլազգի վոկալիստների՝ հենց Կոմիտասի երկերով: Ի դեպ, «Եվրատեսիլ-2015»-ում Հայաստանը ներկայացնող «Genealogy» խմբի 6 երգիչների թվում նրա ուսանողուհին է՝ Մերի Ջին Օ Դոհերթին:
Իր որոշ կոլեգաների նման տիկին Մանսուրյանը չի թաքցնում, թե կոչումն իրեն չի հուզում: Դիտարկմանը՝ առաջիկայում նրա երկու՝ ծննդյան եւ բեմական-ստեղծագործական 45-ամյա հոբելյանների առիթով գուցե հիշե՞ն կոչում շնորհելու մասին, Արաքս Մանսուրյանի պատասխանը հակիրճ էր՝ «ես չեմ սպասում որեւէ բանի…»:
ՍԱՄՎԵԼ ԴԱՆԻԵԼՅԱՆ
«Առավոտ» օրաթերթ
06.05.2015
Ամոթ է, անգամ ռաբիս, անգրագետ երգիչներին կոչում են շռայլում, իսկ այդ հանրաճանաչ տիկնոջը՝ ոչ: Շատ եք ուշացրել: Այո, թող գրագետ ջահելներին էլ կոչումներ տրվեն, բայց այդ կնոջը վաղուց պետք է տրվեր:
Ցավոք,մշակութային և բարոյական անկման այս ծանր օրերին մեկը կոչում է պոկում,մյուսը մեդալ է փախցնում և այլն:Եվ եթե ռաբիս երգիչներին պատվավոր կոչումներ են շռայլում,Սասուն Պասկևիչյանին շնորհում են ժողովրդական արտիստի կոչում,ապա չենք զարմանա,որ դրանից մի հատ էլ Արաքս Մանսուրանին տան:Իսկ եթե լուրջ.Արաքսը հստակ չի երգում,ինտոնագիան ֆալշ է,շնռառության խնդիր ունի,լարված է երգում…Եվ այս թերությունները երգչույին փոխհատուցում է մարմնի,ձեռքերի անհարիր շարժուձևով,հակասում կոմիտասյան անպաճույճ երգի պարզությանը:Եվ հետո, քսան տարի,որտեղ ծառայել է,թող այնտեղից էլ ստանա իր պարգևը՝Ավստրալիայից:
Այդպես բոլորին էլ մի անուն կարելի կպցնել:
Հարգելի ՄԱՆԵ,գիտական մոտեցման և ««անուն կպցնելու«« միջև տարբերություն կա:Շնորհակալություն: