Քիչ առաջ ԱԺ-ում քվեարկության դրվեցին եւ ընդունվեցին կառավարության ներկայացրած այն օրենսդրական նախաձեռնությունները, որոնք քննարկվել էին արտահերթ նիստում:
Քրեական եւ Քրեական դատավարության օրենսգրքերում փոփոխությունների նախագիծն առաջին ընթերցմամբ ընդունվեց՝ 93 կողմ, 2 դեմ, 2 ձեռնպահ ձայների հարաբերակցությամբ:
Քաղաքացիական դատավարության օրենսգրքում փոփոխություններ եւ լրացումներ կատարելու մասին հարցն ընդունվեց 73 կողմ, 26 ձեռնպահ ձայներով:
Իսկ Առեւտրի եւ ծառայությունների մասին ՀՀ օրենքում փոփոխություն եւ լրացում կատարելու մասին նախագիծը երկրորդ ընթերցմամբ եւ ամբողջությամբ ընդունվեց՝ 98 կողմով:
Կարդացեք նաև
ՀՀ քաղաքացիության մասին օրենքում փոփոխություններ եւ լրացումներ կատարելու մասին նախագիծն ամբողջությամբ ընդունվեց 82 կողմ, 19 ձեռնպահ ձայներով:
Իսկ աղմուկ բարձրացրած, այսպես կոչված, «Խոպանչիների մասին» օրենքը, կամ «Եկամտային հարկի» եւ «Շահութահարկի մասին» օրենքում փոփոխություններ եւ լրացումներ կատարելու մասին օրինագիծը ամբողջությամբ ընդունվեց: Կողմ քվեարկեց 68, դեմ՝ 14, ձեռնպահ՝ 17 պատգամավոր:
Հռիփսիմե ՋԵԲԵՋՅԱՆ
