Թուրքիայում այսօր խորհրդարանական ընտրություններ են տեղի ունենում: Թուրքերը պետք է որոշեն, թե իշխող Արդարություն եւ զարգացում կուսակցությունը կրկին մեծամասնություն կունենա՞ խորհրդարանում, թե՞ ոչ: Եթե ԱԶԿ-ն հաղթի, նախագահ Էրդողանը կկարողանա փոխել Սահմանադրությունը եւ ավելի շատ գործադիր լիազորություններ կունենա:
«Today’s Zaman»-ի փոխանցմամբ՝ իշխող կուսակցության գլխավոր հակառակորդը հայամետ Ժողովուրդների դեմոկրատական կուսակցությունն է եւ, եթե այն կարողանա 10 տոկոս ձայն հավաքել, Արդարություն եւ զարգացում կուսակցությունը չի կարողանա կազմել բացարձակ մեծամասնություն:
Հաղորդվում է, որ Արդարություն եւ զարգացում ու Ազգայնական շարժում կուսակցությունների միջեւ Գազանթեփի հարավարեւելյան շրջանում բախում է տեղի ունեցել: Կռիվը սկսվել է այն բանից հետո, երբ Ազգայնական շարժում կուսակցությանը սատարողները պնդել են, թե 6 չգրանցված մարդիկ փորձել են քվեարկել: Ոստիկանությունը արցունքաբեր գազ է կիրառել դպրոցների միջանցքներում, որպեսզի ցրի երկու խմբերին:
Իսկ Շանլիուրֆայում Ժողովուրդների դեմոկրատական եւ Արդարություն եւ զարգացում կուսակցությունների միջեւ տեղի ունեցած ծեծկռտուքի արդյունքում 15 հոգի է տուժել, այդ թվում՝ մի սպա: ԺԴԿ-ի անդամներին թույլ չեն տվել մտնել դպրոցներից մեկը, որտեղ ընտրախախտում էր տեղի ունենում: Դրանից հետո կռիվ է սկսվել կուսակցությունների ներկայացուցիչների միջեւի, որի ընթացքում օգտագործվել են քարեր, դանակներ եւ հրացաններ: Կռիվը դադարել է միայն այն ժամանակ, երբ ոստիկանությունն է միջամտել:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
