«Բաքու 2015»-ի պաշտոնական տեղեկություններով՝ Եվրոպական 1-ին խաղերին մասնակցում է 50 երկրի 6200 մարդ:
Խաղերի կազմակերպիչը Եվրոպայի օլիմպիական կոմիտեն է, որը կազմկոմիտեի, ծրագրում ընդգրկված 20 մարզաձեւերի միջազգային ֆեդերացիաների եւ իր անդամ 50 ազգային օլիմպիական կոմիտեների հետ միասին դրա կազմակերպման ու անցկացման ուղղությամբ աշխատում է արդեն երեք տարի:
Օգոստոսին Հայաստանում մեկնարկում է Համահայկական ամառային 6-րդ խաղերը, որը, բոլոր առումներով, թերեւս, ավելի ներկայացուցչական են լինելու:
Հունիսի 15-ի տվյալներով Համահայկական ամառային 6-րդ խաղերի մասնակցության հայտ առայժմ ստացվել է աշխարհի 160 քաղաքներից (կանոնադրությամբ հայտերն ընդունվում են միայն քաղաքներից):
Մասնակիցների թիվը արդեն հասել է 5459-ի: Ընդորում, Համահայկական խաղերին մասնակցում են միայն հայ մարզիկները:
Համահայկական 6-րդ խաղերում վառվելու է երեք ջահ՝ Հայաստանում, Արցախում եւ Սփյուռքում, որոնք ճանապարհն անցնելուց հետո միավորվելու են Երեւանում՝ խորհրդանշելով Հայաստան-Արցախ-Սփյուռք եռամիասնությունը:
Աշոտ ՀԱԿՈԲՅԱՆ
