Արաբկիրի ոստիկանության բաժնից վաղ առավոտյան բերման ենթարկված ակտիվիստներից քիչ առաջ ազատ արձակվեց Անի Նավասարդյանը: Նա պատմեց, որ իրեն որպես վկա են ոստիկանություն տարել, բայց իր տեղեկություններով, բաժնում գտնվող տասնյակ ակտիվիստներին մեղադրանք են առաջադրում քրեական օրենսգրքով:
Նրա խոսքով՝ վաղ առավոտյան Արաբկիրի բաժին բոլոր բերման ենթարկվածներին Ավան էի տարել՝ ստուգելու, թե արդյոք ալկոհոլ օգտագործած անձինք կան:
Անի Նավասարդյանը պատմեց՝ եղել են մարդիկ, որոնք ալկոհոլի ազդեցության տակ են եղել: Մեր հարցին, թե ձեր նկատմամբ բռնություններ կիրառվե՞լ են, նա պատմեց, որ բռնություններ եղել են միայն բերման ենթարկելիս:
Անի Նավասարդյանի խոսքով՝ ոստիկանները ակտիվիստներին վերաբերվել են կենդանիների, իրերի պես եւ իրերի նման նետել են մեքենաները: Նա պատմեց, որ բերման ենթարկելու ճանապարհին ականատես է եղել, թե ինչպես են մի լրագրողի ոստիկանները նետել մեքենա ու կարմիր բերետավորներից մեկը, որը ցանկացել է խլել տեսախցիկը լրագրողից, ձեռքը դրել է կոկորդին ու սեղմել եւ տեսախցիկը վերցնելուց հետո անգամ չի օգնել լրագրողին ոտքի կանգնել:
Կարդացեք նաև
Արփինե ՍԻՄՈՆՅԱՆ
