Սուրբ Գրիգոր Լուսավորիչ բժշկական կենտրոնի ռեանիմացիոն բաժանմունքի վարիչ Սամվել Կարապետյանը լրագրողների հետ զրույցում ասաց, որ հիվանդների հոսքը նկատվել է առավոտյան ժամը 6-ի սահմաններում: Միանգամից 6 հոգի է ընդունվել հիվանդանոց, մեկ ժամ անց գումարվել են եւս երկուսը. «8 հոգու հետազոտեցինք, տրավմատիկ լուրջ ախտահարումներ չենք հայտնաբերել: Առկա էին փափուկ հյուսվածքների սալջարդ, քերծվածքներ, երկու տղամարդու մոտ առկա էր ակնակապիճների վնասում ջրային շիթից: Զննվելուց հետո նրանք դուրս են գրվել»:
Սամվել Կարապետյանն ասաց, որ մարմնական վնասվածքները լուրջ չեն: Նա մեզ հայտնեց, որ կոտրվածքներ չեն հայտնաբերվել:
Նա հավելեց, որ դրանից հետո իրենց դիմել են եւս երկու տղամարդ, որոնց մոտ եւս լուրջ խնդիրներ չեն հայտնաբերել:
Կարդացեք նաև
«Քիչ առաջ եւս մեկ երիտասարդ դիմեց, որը հիմա հետազոտվում է (նկատի ունի Եղիա Ներսիսյանին): Այս պահի դրությամբ պառկած են 3-4 հոգի, մնացածը դուրս են գրվել»:
