Այսօր կեսօրին Բաղրամյան պողոտա եկած մի տղամարդ փորձում էր սադրել ակցիայի մասնակիցներին: Նա ձայնը գլուխը գցած գոռգոռում էր՝ «Նախիջեւանում այդպիսի դեպքեր են եղել, դուք այստեղ երգում-պարո՞ւմ եք, մի քիչ հարգանք ունեցեք»:
Որքան էլ երիտասարդները փորձում էին այս տղամարդու հետ կոնֆլիկտի մեջ չմտնել, հանգստացնել եւ պողոտայից հեռացնել, բայց նա ավելի ու ավելի էր թեժացնում իրադրությունը:
Գործին ստիպված եղան խառնվել ավագ սերնդի ներկայացուցիչները, որոնք պարզ հասկանալով ինչն ինչոց է՝ երեխաներին աղաչում էին «շառ» տղամարդուց հեռու մնալ, թողնել, որ նա հեռանա եւ արհամարհել: Բայց անսպասելի Բաղրամյան այցելած տղամարդը ոչ մի կերպ չէր գնում: Երիտասարդներից մեկը բարձրախոսով մյուսներին հորդորում էր հետ գնալ: Մի քանի ակտիվիստ նրան տարան դեպի Օպերա, որից հետո ոստիկանները միջամտեցին եւ այդ տղամարդուն հեռացրին:
Կարդացեք նաև
Լուսինե ԲՈՒԴԱՂՅԱՆ
