Երևան, Բաղրամյան պողոտա: Կարծես թե Ազգը կազմակերպվում է, ինքնամաքրվում և ինքնաճանաչվում: Արթնանում է հույսն ու հավատը սեփական ուժերի նկատմամբ։ Զգացվում է ազգային միասնության ուժը։ Սա գործընթաց է, որը պետք է օժանդակել և պաշտպանել:
Ուղիղ 100 տարի առաջ, չունենալով կազմակերպվածություն, կորցրեցինք Հայրենիք: 100 տարի հետո գուցե հասկացել ենք, որ պետք է կազմակերպվենք՝ վերականգնենք Հայրենիքը և ստեղծենք արդար, ազատ և ինքնիշխան ազգային պետություն՝ համահավասար իրավունքներով և պարտականություններով բոլորի համար։
Դա է մեր առաքելությունը, որից պետք է բխի նաև Բաղրամյան պողոտայում իր ապագան կերտող և ազգի խնդիրներով մտահոգ երիտասարդության գործելակերպը:
«ԶԱՐԹՈՆՔ» քաղաքական-գաղափարական ակումբը․
Կարդացեք նաև
1․ Մտահոգված լինելով, որ՝
· 21-րդ դարի սկզբին Հայոց պետականությունը դարձյալ կանգնած է մեծ փորձությունների առջև, աշխարհում ընթացող քաղաքական գործընթացները մեզ պարտադրում են լինել մշտապես զգոն, պատրաստ իրադարձությունների ցանկացած զարգացման,
· երկրի ներքին և արտաքին կյանքում ստեղծված իրավիճակը ահազանգելու առիթ է տալիս, ստեղծվել է մի իրավիճակ, երբ հայ ազգի գերակշիռ մասը կորցնում է հույսն ու հավատն ապագայի հանդեպ, մարդիկ հիմնականում բարոյալքված են, ինչը հանգեցնում է ազգի տրոհմանը, որն էլ կարող է կործանարար լինել մեր պետականության համար,
· խաթարված է ազգային արժեհամակարգը, կեղծված են կողմնորոշիչները, Հայի ազգային որակական դրսևորումները խեղաթյուրված և կտրված են ազգի հիշողությունից,
Կարևորելով, որ անհրաժեշտ է՝
միացյալ ուժերով հնարավորություն ստեղծել համախմբելու Հայաստանի և ազգի ճակատագրով մտահոգված անձանց և կազմակերպությունների ներուժը՝ օժանդակելու հանրությանը վերաիմաստավորելու Հայի պատմական ուղին, վեր հանելու նրա ներքին հնարավորությունները՝ կերտելու սեփական արժանավայել, բարեկեցիկ և ապահով ապագան,
Հայտարարում է, որ աջակցում է Բաղրամյան պողոտայում Ազգի ապագայով մտահոգված երիտասարդությանը և կոչ է անում ՀՀ իշխանություններին ցանկացած որոշում ընդունելու ժամանակ հաշվի առնել Ազգի կարծիքը, լինել ողջախոհ և ոչ մի դեպքում փորձ չանել բռնի մեթոդներով կոտրել ապագայատենչ երիտասարդության կամքը և ազգանվեր գործունեությունը:
«ԶԱՐԹՈՆՔ» գաղափարական – քաղաքական Ակումբ