Էլեկտրաէներգիայի սակագնի առնչությամբ երկրի ղեկավարությունը տվեց իր «լուծումը»՝ ՀէՑ-ում աուդիտի իրականացում, մինչ այդ էլ թանկացման բեռը կառավարությունն իր «ուսերին» կվերցնի։ Սա չի բավարարել ցուցարարներին, չնայած նրանց մի մասն էլ դա որակեց «քայլ առաջ»։ Սերժ Սարգսյանի առաջարկած «դեղատոմսը» գոնե մասնակիորեն կթեթեւացնի՞ առկա վիճակը՝ հարցրի տնտեսագետ Վահագն Խաչատրյանին:
– Վարչապետը հայտարարեց, որ պետությունն այդ գումարը կփոխհատուցի արտաբյուջետային միջոցների հաշվին։ Սա ի՞նչ է նշանակում։
– Դա նշանակում է բյուջեի հաշվին ու էլի մեր հաշվին։ ՀՀ կառավարությունն այլ ֆինանսներ չունի, դա մասնավոր կառույց չէ, որ գրպանների տարողությունը տարբեր լինի՝ մեկը անձնական, մյուսը՝ կազմակերպությանը։ ՀՀ կառավարությունը պետական կառույց է, որն ունի մեկ գրպան՝ պետական բյուջե, գումարներն էլ ՀՀ քաղաքացիների գումարներն են, որոնք ժամանակավորապես տրվել են կառավարության տնօրինմանը, ու եթե կառավարության ներկայացուցիչները դա շփոթում են, այլ հարց է։ Այնտեղ ուրիշ գումար լինել չի կարող։ Այնպես որ, սակագնի բարձրացման փոխհատուցումը միանշանակ մեր հաշվին է լինելու։ Եթե այսօր չեն խոսում դրա մասին, ապա վաղը, մյուս օրը, ինչպես գազի դեպքում, դա կձևակերպվի որպես պետական պարտք։
– Խոսակցություններ կան, որ կառավարությունն այդ միջոցները հայթայթել է նոր վարկ վերցնելով։ Սա տնտեսական ճիշտ քաղաքականություն է՝ վարկով պարտք փակել։
Կարդացեք նաև
– Ընդհանրապես այդ տեսանկյունից որևէ քաղաքականություն չի էլ վարվում։ Իշխանության ներկայացուցիչների քայլերը հանգեցնում են նրան, որ մեր չլուծվող հարցերն ավելի են խորանում։ Էլցանցերի դեպքում էլ խնդիրը նոր չէ։ Մի օրինակ. «Նաիրիտ» հայտնի ընկերությունը, որ տարիներ շարունակ չի աշխատում, որպեսզի կարողանան այս կամ այն ծրագրի շրջանակներում աշխատեցնել, էլցանցերին դիմել են, որ «Նաիրիտի» ծախսած էլեկտրաէներգիայի համար գումար չվերցնի։ Փաստն այն է, որ այսօր ՀԷՑ-ը դատի է տվել «Նաիրիտին»։ Կառավարության այսօրինակ քաղաքականության պատճառով երկրի վիճակը վատացել է։ Պետությունը հնարավորինս պետք է քիչ միջամտեր բիզնեսին, փոխարենն ավելի շատ հետևեր օրենքների կիրարկմանը, որովհետև Հայաստանում հենց սա է ամենախնդրահարույցը։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
