ՀՀ 2-րդ նախագահի գրասենյակը տեղեկացրել է, որ օգոստոսի 16-ին կյանքի 89-րդ տարում վախճանվել է Ռոբերտ Քոչարյանի մայրը՝ Էմմա Արսենի Օհանյանը: Հոգեհանգիստը տեղի կունենա Սբ. Հովհաննես եկեղեցում:
«Առավոտը» Հայաստանի նախկին վարչապետ, «Հանրապետություն» կուսակցության նախագահ Արամ Սարգսյանից հետաքրքրվեց՝ արդյոք ինքը մասնակցելո՞ւ է Ռոբերտ Քոչարյանի ընտանիքի հետ կապված սգո արարողությանը, ինչին ի պատասխան`պարոն Սարգսյանն ասաց. «Նախ, ինչպես ընդունված է նման դեպքերում, ասեմ` Աստված հոգին լուսավորի և ողորմի: Ոչ՝ չեմ մասնակցելու, որովհետև դրանից հետո չեմ կարող նայել մարտի մեկին զոհվածների հարազատների և մտերիմների աչքերին:
Ես լուրջ խնդիրներ ունեմ Ռ. Քոչարյան քաղաքական գործչի, և շատ ավելի լուրջ խնդիրներ՝ Ռ. Քոչարյան մարդու հետ, բայց դա, ի տարբերություն իրեն, որևէ կերպ չի առնչվում իր ընտանիքի անդամներին ու հարազատներին»:
