Այսօր Գյումրու ժուռնալիստների «Ասպարեզ» ակումբում Մեդիա կենտրոնի կազմակերպած «Սահմանադրական փոփոխությունների գործընթացը» թեմայով քննարկման ժամանակ քաղաքագետ Գագիկ Համբարյանն ասաց, որ Սահմանադրական փոփոխությունների ամենադրական կետը մեծամասնական ընտրակարգի վերացումն է: «Ես լիովին կողմ եմ, որ 100 տոկոսով համամասնական ընտրական համակարգ լինի, որովհետեւ շատ դեպքերում որ ասում են՝ ինչո՞ւ պետք է ժողովուրդը իր սեփական ընտրյալին չունենա, ես որպես գյումրեցի կարող եմ ասել, որ մեր Շիրակի մարզից այսպես կոչված ընտրյալներ երեւի թե երկուսին կարելի է տեսնել պատգամավորական ակտիվ գործունեության մեջ: Պատգամավորներ կան, որոնք մեծամասնական ընտրակարգով ընտրվել են եւ կորել են»,-ասաց քաղաքագետը:
Իրավապաշտպան Սեյրան Մարտիրոսյանն էլ հավելեց. « Ոչ այն ոգեւորությամբ, ինչպես պարոն Համբարյանը, սակայն նախապատվությունը տալիս եմ համամասնական ընտրակարգին: Բայց ներքին ձայնս ասում է՝ էդ այդ 101-ի մեջ Շմայսը, Մանվելը, Սամվելը, Մհերը կտեղավորվեն, որոնք մեծամասնականով են ընտրվել»: Ըստ նրա լուծումը, համամասնական ընտրակարգի անցնելը չէ, այլ լեգիտիմ իշխանություն ունենալն է»:
Մանրամասները տեսանյութում՝
Կարդացեք նաև
Նունե ԱՐԵՎՇԱՏՅԱՆ
