«Ակսիոնովի ընդունելությունը Հայաստանում ոչ բարեկամական քայլ է Ուկրաինայի նկատմամբ»,- այս մասին 168.am-ի հետ զրույցում ասաց Ուկրաինայի Ռազմավարության և անվտանգության հետազոտությունների խմբի ղեկավար, ուկրաինացի վերլուծաբան Սերգի Գերասիմչուկը՝ անդրադառնալով Ղրիմի, այսպես կոչված, ղեկավար Սերգեյ Ակսիոնովի՝ ՀՀ կատարելիք այցին։
Հարցին, թե հնարավո՞ր է, որ սա ՌԴ իշխանությունների կողմից կազմակերպված այց է, որը ՀՀ իշխանությունները չեն մերժել խնդիրներից խուսափելու նպատակով, նա պատասխանեց, որ եթե ՌԴ իշխանություններն ինչ-որ բան են պլանավորում Հայաստանում, իսկ ՀՀ իշխանությունները չեն կարող նրանց հակադրվել, ապա երկրի արտաքին քաղաքականության անկախությունը հարցականի տակ է հայտնվում։
«Կարծում եմ, որ ԵՄ-ն այս այցին կանդրադառնա ավանդական կերպով՝ իր անհանգստությունը և մտահոգությունը հայտնելով, իսկ Ուկրաինայի կողմից սա կընկալվի՝ որպես ոչ բարեկամական քայլ, և, ամենայն հավանականությամբ, Ուկրաինայի ԱԳՆ-ն բողոքի նոտա կհղի հայկական կողմին»,- ասաց Սերգի Գերասիմչուկը:
Արաքս ՄԱՐՏԻՐՈՍՅԱՆ
Կարդացեք նաև
Հոդվածն ամբողջությամբ կարող եք կարդալ «168 ժամ» թերթի այսօրվա համարում
Ամեն երկիր իր շահերով է առաջնորդվում: Իրենք էլ Ադրբեջանին զենք են մատակարարում, Արցախում կռվում էին մեր դեմ, ճանաչում են իրենց տարածքային ամբոջականությունը և ընդհանրապես մեր թշնամու բարեկամն են: