Իջեւանի տարածաշրջանի սահմանամերձ Բերքաբեր գյուղում առկա է հայրենագիտական թանգարան: 1966թ. ստեղծված թանգարանի հիմնադիրը բերքաբերցի բանաստեղծ Նորայր Արզումանյանն է, որը սերտ կապեր է ունեցել Հովհաննես Շիրազի հետ: Ն. Արզումյանյանն ասաց, որ թանգարանը հաստիքով տնօրեն, աշխատող կամ հավաքարար չունի: Թանգարանը հաստիք չի ունեցել նաեւ խորհրդային տարիներին:
Այստեղ 7500 ցուցանմուշների մեջ կան արժեքավոր ցուցանմուշներ ՝ ուշ բրոնզեդարյան գործիքներ, կավե հսկա կարաս եւ այլն, նաեւ՝ իրենց արժեքով դրանց զիջող ցուցանմուշներ: Անցյալ դարի 90-ական թվականներին ադրբեջանցիները հրետակոծել են թանգարանը: Թանգարանի տարածքը՝ պատերը, հատակը խիստ կարիք ունեն վերանորոգման:
Ոսկան ՍԱՐԳՍՅԱՆ
