Փաստաբան Նիկոլայ Բաղդասարյանին քրեական օրենսգրքի 144-րդ հոդվածով, այն է՝անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը, մեղադրանք է առաջադրվել:
Այսօր Շենգավիթ վարչական շրջանի ընդհանուր իրավասության դատարանում (նախագահող դատավոր Ալեքսանդր Ազարյան) պետք է հրապարակվեր այս գործով որոշումը: Սակայն դատական նիստը հետաձգվեց` դատախազի բացակայության պատճառով: Որոշումը կհրապարակվի հոկտեմբերի 1-ին` ժամը 16.00-ին:
Հիշեցնենք, որ պարոն Բաղդասարյանի կարծիքով` այս մեղադրանքը ոչ թե իր դեմ է, այլ դա հետապնդում է ողջ փաստաբանական ինստիտուտի դեմ:
Տաթև ՀԱՐՈՒԹՅՈՒՆՅԱՆ
