Հայ-ադրբեջանական առաջին պատերազմում 20 հազար զոհ է եղել
Սեպտեմբերի 25-ին Վրաստանի Մառնեուլիի շրջանի Թեքալի գյուղում կայացած հասարակական լսումների ժամանակ ադրբեջանցի քաղաքագետ Զարդուշտ Ալիազադեն նշեց այն ծանր հետեւանքները, որոնք կլինեն, եթե հայ-ադրբեջանական նոր պատերազմ բռնկվի:
Նա ասաց. «Հաջորդ պատերազմն այնքան կործանարար կլինի, որ Ղարաբաղից ոչինչ չի մնա, Հայաստանի եւ Ադրբեջանի կեսից ոչինչ չի մնա: Եթե առաջին պատերազմի ժամանակ մենք կորցրինք 20 հազար կյանք՝ 14 հազար ադրբեջանցի, 6 հազար հայ, ապա այդ պատերազմում նվազագույնը տասնյակ հազարավոր հայեր եւ ադրբեջանցիներ կզոհվեն: Այն ինչ կառուցել ենք անկախության 25 տարվա ընթացքում, ամեն ինչ կոչնչանա: Որքա՜ն զենք է կուտակված՝ հրթիռներ, ռումբեր, ավիացիա, հրանոթներ, արկերի մեծ քանակ: Մի շաբաթվա ընթացքում Հայաստանի եւ Ադրբեջանի կեսը չի լինի»:
Ոսկան ՍԱՐԳՍՅԱՆ
