ՀՀ քննչական կոմիտեի նախագահ Աղվան Հովսեփյանն այսօր ընդունել է Հայաստանում Բելառուսի նորանշանակ արտակարգ և լիազոր դեսպան Իգոր Նազարուկին:
Շնորհավորելով դեսպանին նշանակման կապակցությամբ՝ Ա.Հովսեփյանը մաղթել է արդյունավետ աշխատանք և հույս հայտնել, որ նա իր գործունեությամբ կնպաստի երկու երկրների իրավապահ մարմինների և, մասնավորապես, քննչական կոմիտեների միջև համագործակցության ակտիվացմանը։
Կողմերը քննարկել են երկուստեք հետաքրքրություն ներկայացնող հարցերի լայն շրջանակ և նախանշել՝ փոխգործակցությունը զարգացնելու ուղղությունները։
ՀՀ քննչական կոմիտեի դեպարտամենտի տեղեկատվության և հասարակայնության
հետ կապերի բաժին
