Այսօր ԱԺ մշտական հանձնաժողովների համատեղ նիստում 2016-ի պետական բյուջեի նախագծի քննարկման ժամանակ Տարածքային կառավարման եւ արտակարգ իրավիճակների նախարար Արմեն Երիցյանն ասաց, որ պատրաստվում է «Հիդրոմետ» ծառայությունը միացնել հակակարկտային ծառայությանը. «Երկուսն էլ ՊՈԱԿ են: Կադրային կրճատումներ չի արվելու, ուղղակի հիդրոմետի հաստիքներն ուղղվելու են մարզեր: Անընդհատ հակակարտային կայաններ են բացվում եւ հաստիքներ են պետք մարզերում: Հիմնական խնդիրն է պարզել՝ ամպերը կարկտաբե՞ր են, թե՞ ոչ»:
ԲՀԿ խմբակցության ղեկավար Նաիրա Զոհրաբյանը հարցրեց. «Արագածոտնու ողջ ծիրանի բերքը փչացել է՝ հակակարկտային կայանների բացակայության պատճառով: Նախատեսվե՞լ է այնպես բաշխել, որ տոտալ դժգոհություն չունենանք, որ ամբողջ բերքը փչացել է այս մարզում:
Արմեն Երիցյանը պատասխանեց՝ մեզ պետք է 4000-ից ավելի հակակարտային կայան, որի մեկ հատն արժե 3.5 մլն դրամ:
Նաիրա Զոհրաբյանը նաեւ հարցրեց. «Բերքաբեր գյուղում գյուղապետն իր միջոցներով է ապաստարան սարքում, որը հնարավոր չէ: Ծանր հրետանիով ռմբակոծում են սահմանամերձ գյուղերը: Եթե բոլորս համաձայն ենք ապաստարան կառուցել, միգուցե հստակ ծրագիր կազմենք: Գնալով Ադրբեջանն անցնում է լուրջ զինատեսակներով ռմբակոծելու խաղաղ բնակիչներին: Սա պետք է լուրջ միջոցներով արվի, ոչ թե իրականացվի մասնավոր անձանց բարի կամքի հաշվին»:
Կարդացեք նաև
Նա առաջարկեց, որ քանի որ առանձին-առանձին բոլորը կողմ են արտահայտվում, միասին գործեն, մի ընդհանուր ծրագիր մշակեն եւ իրականացնեն:
Նախարարը պատասխանեց. «Բերքաբերում ես անձամբ եղել եմ, նայել ենք, մեր աշխատակիցներին եմ ուղարկել, որ այնպես անենք՝ գյուղի բնակիչները ապաստարաններով կարողանանք ապահովել: Բայց դպրոցի խնդիրն էլ կա, դպրոց են գնում երեխաները, դպրոցի վրա էլ են կրակում»:
Հռիփսիմե ՋԵԲԵՋՅԱՆ
Մի քանի տարի առաջ Հայաստան եւ Արցախ այցելեց հանրածանօթ պատերազմագէտ ՝ կարեւոր գիրքերու հեղինակ ՝ ֆրանսահայ Ժերար Շալեան եւ բացայայտօրէն երկու հանրապետութիւններու պատասխանատուներուն թելադրեց որ փութով ապաստարաններ կառուցեն սահմանամերձ շրջաններուն մէջ՝ վերջը ուշ կ՜ըլլայ։ Կը թուի թէ արդէն հիմա ուշ է -որուն հոգը։Հարուածները ուտողը գիւղացին է ։