Կարմիր խաչի միջազգային կոմիտեն Հայկական Կարմիր խաչի ընկերության հետ միասին Տավուշի մարզի սահմանամերձ 15 համայնքներում իրականացնում է անվտանգության կանոնների դասընթաց, թե ինչպես վարվել հրետակոծության ժամանակ կամ պայթուցիկ նյութ գտնելու դեպքում: Դասընթացներն անցկացվում են սահմանամերձ համայնքների դպրոցներում, համայնքապետարաններում, մշակույթի տներում:
Դեկտեմբերի 10-ին սահմանամերձ Կոթիի դպրոցում հայաստանցի լրագրողների խումբը ներկա եղավ նման դասընթացի: Դասընթացավար Արմեն Ամիրաղյանը Կոթիի դպրոցի 9-12-րդ դասարանների աշակերտներին հանրամատչելի ձեւով բացատրում էր , թե հրետակոծության դեպքում ինչպես վարվել , ինչպիսի տեղանք ընտրել եւ այլն:
Ա. Ամիրաղյանը մեզ հետ զրույցում փոքր-ինչ ուշացած, սակայն շատ կարեւոր համարեց նման դասընթացը, ասելով , որ պետք է բնակիչներին տալ հանրամատչելի ուղեցույցներ, թե ինչպես վարվել հրետակոծության ժամանակ կամ չպայթած զինամթերք հայտնաբերելու դեպքում: Կոթիի դպրոցի 12-րդ դասարանի աշակերտուհիներ Անի Մամաջանյանը, Սոֆյա Մուրադխանյանը կարեւոր համարեցին կայացած դասընթացը:
Կարդացեք նաև
Ոսկան ՍԱՐԳՍՅԱՆ
