«Խնդիրը կայանում է նրանում, որ լրատվամիջոցների եւ դիտորդները սահմանափակումը նախագծում, դեռեւս չի նշանակում վերջնական ընդունում։ Բոլոր առաջարկությունները, որոնք գալիս են քաղաքացիական հասարակության եւ քաղաքական ուժերի կողմից, կարծում եմ, որ քննարկման առարկա կդառնան եւ տեղ կգտնեն փոփոխված եւ արդեն ընդունված ընտրական օրենսգրքում»,- «Հայելի» ակումբում, անդրադառնալով, նոր Ընտրական օրենսգրքի նախագծին, ասաց ԱԺ ՀՀԿ խմբակցության քարտուղար Գագիկ Մելիքյանը։
Լրագրողների հարցին, թե ինչ մտահոգություններ կային, որ նման սահմանափակումներ տեղ գտած նախագծում, Գագիկ Մելիքյանը պատասխանեց. «Մտավախությունը լրատվամիջոցների օգտագործումն է քաղաքական կուսակցությունների համամասնական ցուցակներում ընդգրկված թեկնածուների կողմից որպես վստահված անձինք։ Եվ նրանց մեծ քանակությունը, որը կարող է բացասական ազդեցություն ունենալ Ընտրական գործընթացի վրա»։
Իսկ դա, ըստ Մելիքյանի, բավականին լուրջ թիվ կկազմի, եթե տվյալ ընտրատարածքում ընտրություններին մասնակցեն 10 քաղաքական ուժերի 10-ական ներկայացուցիչներ. «Կստացվի, որ միայն 100 դիտորդ եւ լրատվամիջոց պետք է տեղամասում ներկայացված լինի։ Թեկնածուներն այլեւս վստահված անձ ներկայացնելու իրավունք չունեն։ Դրա իրավունքն ունեն միայն ընտրական գործընթացներին մասնակցող լրագրողները»։
Նա համակարծիք չէ այն մարդկանց հետ, որոնք ասում են, թե ԸՕ-ում նման մանր խնդիրներ են ներառվել, որպեսզի ուշադրություն շեղեն ավելի կարեւոր հարցերից, օրինակ՝ ընտրացուցակների հրապարակման պահանջից. «Նոր Ընտրական օրենսգրքի նախագիծը թույլ է տալիս, որ կասկածելի տեղամասում բողոքի ներկայացման դեպքում, տվյալ անձը մասնակցի ընտրացուցակի ուսումնասիրմանը մոտ 2 ժամվա ընթացքում, քաղվածքներ հանի, արտագրի, բայց չլուսանկարի»։
Կարդացեք նաև
Աշոտ ԻՍՐԱԵԼՅԱՆ
