Yerakouyn.com. Հայերէնի մէջ ամէն բառ իր յատուկ իմաստն ունի: Կան բառեր, որոնք բազմիմաստ են: Սակայն հայերէնը այնքան հարուստ է նորակերտ բառակերտումի համար, որ օտար լեզուներէ անտեղի փոխառութեան պէտք չունի:
Հայաստանի մէջ վերջին 100 տարիներուն այնքան անպատշաճ բառեր ներմուծուած, մխրճուած են հայերէնի մէջ, որ մարդուս զայրոյթը կը բորբոքի այսքան այլասերում եւ օտարամոլութիւն նկատելով:
Հայերէնը առանձին մասնաճիւղն է հնդեւրոպական 11 լեզուներու ընտանիքին: Նախօրօք յօդուածներուս մէջ նշած եմ, որ լատիներէնը իտալիգ կոչուած լեզուաճիւղէն սերած է, իսկ հայերէնը ինքնուրոյն ճիւղ է, որեւէ լեզուաճիւղէ սերած չէ: Խումբ մը եւրոպական լեզուները սերած են լատիներէնէ եւ ճերմանիգ կոչուած լեզուաճիւղէն, իսկ ռուսերէնը՝ սլաւիգ կոչուած լեզուաճիւղէն: Հայ ազգը ինչո՞ւ այսպէս կոչուած «փոխառութիւն» պիտի ընէ լատիներէնէ կամ սլաւիգ կոչուած լեզուաճիւղէն սերած՝ ռուսերէնէ, երբ հայերէնը ասոնցմէ շատ աւելի վաղեմութիւն ունի: Այո, անցեալին հայերէնին մէջ տասնեակ մը օտար լեզուներէ փոխառութիւններ եղած են (տես Հրաչեայ Աճառեանի «Արմատական Բառարան»ը), բայց երբ մենք ներկայիս ունինք արդէն չգործածուող բառեր բառարաններու մէջ, ինչո՞ւ զանոնք չգործածել եւ անոնց փոխարէն օտար բառեր ներմուծել հայերէն բառապաշարին մէջ: Ոմանք պիտի ըսեն «արդիականացում կամ միջազգայնացում» պէտք է …Ես պիտի ըսեմ անարդարանալի, անտրամաբանական այլասերում, օտարամոլութիւն եւ օտարապաշտութիւն պէտք չէ:
Օրինակներով խօսինք.
Bank-banque-banca (անգ., ֆր., իտալ.), բանկ (հայաստանեան): Դրամատուն (հայերէն): Բառացիօրէն bank բառին իմաստը բացի դրամատունէն, կը նշանակէ եզերք (գետի) եւ այլն…
ՅԱԿՈԲ ԱՅՆԹԱՊԼԵԱՆ
Հրապարակումն ամբողջությամբ՝ սկզբնաղբյուր կայքում:
