«Ցավոք սրտի, մեր ասած ժամկետները՝ շինարարությունը սկսելու վերաբերյալ, մասնակի իրականացան։ Այսինքն՝ հիմա մի հատվածում է էնտեղ շինարարություն սկսված։ Այս պահին ընթանում են իրացման աշխատանքներ։ Դա նշանակում է, որ ամբողջ տարածքը, որը մոտ 2.5 հա է կազմում, իրացված է, այսինքն՝ գնված է մարդկանցից այդ տարածքի կեսից մի քիչ ավելին։ Հիմա մյուսներից պետք է գնվեն այդ տարածքները, որպեսզի միասնական պրոյեկտ ստացվի»։ «Հին Երեւան» նախագծի ճակատագրի մասին օրերս այսպիսի պատասխան տվեց քաղաքաշինության նախարար, Երեւանի նախկին գլխավոր ճարտարապետ Նարեկ Սարգսյանը:
-Մտավախություն չկա՞, որ այս նախագիծն էլ չի հաջողվի իրականացնել, կձախողվի, կիսատ կմնա, քանզի խոստումները ժամկետների առումով կարծես թե չեն իրականանում։
– Մտավախություն ես չունեմ, որովհետեւ կառավարությունը պայմանագիր կնքել է կառուցապատողի հետ, դա շվեյցարացի Վարդան Սրմաքեշն է, որը մեծ աշխատանքներ է անում նաեւ Ղարաբաղում, վերջերս, նկատած կլինեք, մամուլով էլ եղավ, որ Ադրբեջանը պրոտեստ էր ներկայացրել, թե ինչու է նա նման ներդրումներ անում։ «Հին Երեւանն» այդ ծրագրերից մեկն է, որի ընդհանուր արժեքը 100 միլիոնը կգերազանցի:
Կարդացեք նաև
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
