«Կարծում եմ՝ եվրոպական հատուկ ծառայությունները տեղյակ էին»,- մարտի 24-ին «Անալիտիկ» մամուլի ակումբում լրագրողների հետ հանդիպման ընթացքում, անդրադառնալով Բրյուսելում տեղի ունեցած ահաբեկչական գործողություններին, ասաց քաղտեխնոլոգ Կարեն Քոչարյանը:
Նա նկատեց, որ ահաբեկչության նախորդող օրը Ֆրանսիան հայտարարել է, որ ուժեղացնում է հսկողությունը Բելգիայի հետ սահմանում: Նա կատարվածը պայմանավորում է Ռուսաստանի՝ Սիրիայից զորքերը դուրս բերելու հետ. «Կարծում եմ՝ աշխարհը պայմանավորվել է, ես նկատի ունեմ աշխարհաքաղաքական կենտրոնները՝ Ռուսաստան, Միացյալ Նահանգներ, Եվրոպա: Պայմանավորվածության արդյունքում Ռուսաստանը հանեց զորքը, պայմանավորվել է ահաբեկչության դեմ պայքարի պայմանով: Այսինքն՝ ինչպես ժամանակին Սեպտեմբերի 11-ից հետո սկսվեց Ալ-Քաիդայի դեմ պայքարը աշխարհաքաղաքական կենտրոնների կողմից, նույնպես հիմա կսկսվի: Քաղաքական լարվածությունը, ես նկատի ունեմ միջպետական, Ռուսաստանի դեմ կթուլանա դրա հետեւանքով, որովհետեւ համար մեկ թշնամին կրկին կդառնա ոչ թե Ռուսաստանը, այլ այսպես կոչված՝ ահաբեկչությունը, ինչպես եղավ 2000-ականների սկզբին»:
Կարեն Քոչարյանը ուշադրություն հրավիրեց այն հանգամանքի վրա, որ գերմանական երեք հողերում ՏԻՄ ընտրություններում հաղթել են նացիոնալիստական բնույթի ուժերը: Ըստ նրա, իսլամի ներխուժումը Եվրոպա՝ բերում է նացիոնալիստական ուժերի բավականին լուրջ զարգացման. «Եվրոպան ուտելու է այն ճաշը, որը ինքն է եփել, բայց, ցավոք, նրա հետ միասին այդ ճաշը ուտելու են բոլորը»:
Կարդացեք նաև
Ամի ՉԻՉԱԿՅԱՆ
