Ժամանակակից կանայք օգտվում են առաջարկվող մազահեռացման բազում միջոցներից: Հնում նոր տեխնոլոգիաներին փոխարինում էին բնական միջոցները:
Մազերի հեռացման համար շատ լավ դեղամիջոց է համարվել վայրի խաղողի վազի մատղաշ շիվերից մզած հյութը: Այդ հյութով պետք է տրորել մազարմատները: Այս հյութով կարելի է նաեւ թանզիֆի թրջոցներ դնել մաշկի պսորիազով ախտահարված մասերին:
Մազերը հեռացնելու միջոցներից է նաեւ իշկաթնուկի թարմ տերեւներից կամ շիվերից քամած 100 գրամ հյութը, որին պետք է խառնել 50 գրամ մարած կիր եւ 50 գրամ հալվե: 2-3 ժամ թրմել՝ երբեմն-երբեմն խառնելով: Այս դեղամիջոցով թրջել հեռացնելու ենթակա մազերը: Այդպես թողնել 15-20 րոպե, ապա լվանալ եւ մազաթափ մասերին վազելին քսել: Ըստ Ավիցենայի՝ եղինջի սերմերի եւ յուղի խառնուրդը նույնպես մազաթափման ուժեղ միջոց է համարվել:
Դեմքից եւ մարմնի այլ մասերից մազերի հեռացման միջոցներից է. ընկույզի կեղեւը այրել, մոխիրը լուծել ջրում եւ այդ հեղուկով շփել ավելորդ մազերով ծածկված մաշկի հատվածները: Դրական արդյունքի համար բուժումը կատարել հաճախակի:
Կարդացեք նաև
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
31.03.2016
