Ապրիլի 4-ին ՀՀ արտակարգ իրավիճակների նախարարությունում կայացավ հերթական ամենշաբաթյա խորհրդակցությունը, որը վարեց նախարար Արմեն Երիցյանը:
Փրկարար ծառայության տնօրենի տեղակալ, փ/ծ գեներալ-մայոր Վրեժ Գաբրիելյանը զեկուցեց, որ նախարար Ա. Երիցյանի հրամանով՝ ՀՀ ԱԻՆ Փրկարար ծառայությունը շարունակում է աշխատել ուժեղացված ռեժիմով:
Փրկարար ծառայության տնօրենի տեղակալը նաև զեկուցեց շաբաթվա ընթացքում գրանցված պատահարների, ձեռնարկած միջոցառումների և ընթացիկ աշխատանքների մասին: Շաբաթվա ընթացքում փրկարար ծառայությունը գրանցել է 155 դեպք:
«Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» ՊՈԱԿ-ի տնօրեն Լ. Վարդանյանը խորհրդակցությանն անդրադարձավ ընթացիկ աշխատանքներին: Տնօրենի փոխանցմամբ՝ հանրապետության տարածքում տեղումներն այսօր կդադարեն: Լ. Վարդանյանը հայտնեց նաև, որ ջերմաստիճանը նկատելիորեն կբարձրանա, իսկ ապրիլի 7-9 կդիտվի մինչև 22 աստիճան տաքություն:
ՀՀ ԱԻՆ ՓԾ քաղաքացիական պաշտպանության վարչության պետ, փ/ծ գնդապետ Մ. Ներսիսյանը զեկուցեց, որ ՔՊ ուժերը սահմանամերձ համայնքներում շարունակում են աշխատանքներ տանել՝ բնակչության անվտանգության ապահովման նպատակով:
Կարդացեք նաև
Ամենշաբաթյա խորհրդակցությանն առցանց մասնակցող մարզային փրկարար վարչությունների պետերը զեկուցեցին շաբաթվա ընթացքում գրանցված պատահարների, ընթացիկ աշխատանքների և ճանապարհների անցանելիության մասին։ ՄՓՎ-ները ևս աշխատում են ուժեղացված ռեժիմով: Նախարարին զեկուցվեց նաև սահմանամերձ համայնքներում տիրող իրավիճակի մասին: Ընդհանուր առմամբ վիճակը կայուն է և հանգիստ, սահմանամերձ հատվածներից պարբերաբար տեղեկություններ են փոխանցվում Մարզային փրկարար վարչություններ, իրավիճակը մշտապես վերահսկողության տակ է:
Խորհրդակցության վերջում նախարար Ա. Երիցյանը փրկարար ծառայության գնդապետի կոչում շնորհեց ՀՀ ԱԻՆ ՓԾ քաղաքացիական պաշտպանության վարչության ուսուցման և պատրաստման կազմակերպման բաժնի պետ Արման Խաչատրյանին և ՀՀ ԱԻՆ ՓԾ փրկարար ուժերի վարչության կարևորագույն օբյեկտների պահպանման բաժնի պետ Մանվել Ավետիսյանին:
ՀՀ ԱԻՆ
